tu kisi aur ki jageer hai --- Zafar Kaleem

tu kisi aur ki jageer hai aaey jaan-e-Ghazal

log toofan uTha daN gaiN mere saath na chal

pehla huq tha teri chahat ke chaman par mera

pehla huq tha teri Khushboo-e-badan par mera

abb mera pyar tere pyar ka huq_daar nahi

maiN tere gaisoo-o-ruKhsaar ka huq_daar nahi

abb kisi aur ke shanooN par hai tera aanchal

maiN tere pyar se ghar apna basaaooN kaisey

maiN teri maang sitarooN se sajaooN kaisey

meri qismat maiN nahi pyar ki Khushboo shayad

mere hathooN ki lakeerooN maiN nahi tu shayad

apni taqdeer bana mera muqaddar na badal

mujh se kehteeN haiN yeh Khamosh nigahaiN teri

meri parvaaz se ooncheeN haiN panaahaiN teri

aur Ghairat-e-ehsaas pay sharminda hooN

abb kisi aur ki bahooN maiN haiN baahaiN teri

aab kahaN mera Thikana hai, kahan tera mehal

Categories: Ghazlain , Roman poetry