Mujay os se Mohabbat hay magar kese kahon us se

Mujay os se Mohabbat hay 
magar kese kahon us se

Wo meri baat ko sanjidgi se kam he leti hay

Her aik pal Muskarana, Khilkhilana

Shokh, Chanchal

her ghari taza sharat main

Buhat masrofo rehti hay

Magar Aik khadsha bhi hai mujko

Main izhar se, iqrar se,


khud ko raokay rakhta hon

k mehke khawab bun'ne 

khailne ka waqt hay uska

Meri chahat kahin Masomiat na Cheen le uski

Sada se ham ne dekha hay

Muhabbat aadmi ko es qadar
sanjida kar deti hay

k phir mehfil, Tamasha, Khail
usko bhojh lagtay hain

Main darta hon Kahin Bholpan uska

Ye chehchana, Muskarana sab

Mere izhar se Sanjidgi main na badal jae

Kahin us Shokh ko bhi Rog,koi Chup na lag jae

Mujay us se Muhabbat hay 

Magar kese kahon us se.

Categories: Ghazlain , Nazmain , Roman poetry