chal tujhay khwaab ki bastee say churaa lata hun

 
چل تجھے خواب کی بستی سے چرا لاتا ہوں
سب کی نظروں سے بچا کر میں چھپا لاتا ہوں

آج کے بعد نہ سوچوں گا کسی پہلو سے
ہر تصور میں تری دید بٹھا لاتا ہوں

اب جو آئی ہو تو کچھ دیر رکو سوچوں میں
تم نکل بھی نہ سکو ایسی گھٹا لاتا ہوں

اب جو جانا تو قسم ہے نہ ستانا مجھ کو
جھٹ مرے سامنے آؤ وہ صدا لاتا ہوں

دل میں جو کچھ ہے، خیالات میں جوبھی کچھ ہے
میں مصور تو نہیں نقش بنا لاتا ہوں

بت بنا لوں گا ترا خواب میں تکتے تکتے
تیرے رہنے کے لیے، دل بھی سجا لاتا ہوں

جتنے بھی رنگ ہیں، وہ پھیکے ہوئے جاتے ہیں
تیری صورت کے لیے رنگ نیا لاتا ہوں

تیکھی نظریں میں غزالوں سے، گلوں سے خوشبو
جان اظہر سے، فرشتوں سے حیا لاتا ہوں

chal tujhay khwaab ki bastee say churaa lata hun
sub ki nazron say bacha kar main chupaa lata hun

aaj kay baad na sochon ga kissi pehloo say
her tasawer main teri deed bitha lata hun

ab jo aai ho to kuch der rukko sochon main
tum nikal bhi na sako aisi ghataa lata hun

ab jo jana to qasam hai na satana mujh ko
jhat meray samnay aao woh sadaa lata hun

dil main jo kuch hai khayalaat main jo bhi kuch hai
main musawir to naheen , naqsh bana laata hun

but bana loon ga teraa, khwaab main taktay taktay
teray rehnay kay liay dil bhi sajaa lata hun

jitnay bhi rang hain woh pheekay huay jatay hain
teri soorat kay liay rang naya laata hun

teekhi nazrain main ghazalon say, gulon say khushboo
jaan azhar say, farishton say hayaa laata hun

Categories: Roman poetry