ابن انشاء یہ بچہ کیسا بچہ ہے : ye bacha kiska bacha hay jo rait pay tanha betha hay

ابن انشاء

یہ بچہ کیسا بچہ ہے
جو ریت پہ تنہا بیٹھا ہے

نہ اس کے پیٹ میں روٹی ہے
نہ اس کے تن پہ کپڑا ہے
نہ اس کے سر پہ ٹوپی ہے
نہ اس کے پیر میں جوتا ہے
نہ اس کے پاس کھلونے ہیں
کوئی بھالو ہے کوئی گھوڑا ہے

نہ اس کا جی بہلانے کو
کوئی لوری ہے، کوئی جھولا ہے
نہ اس کی جیب میں ڈھیلا ہے
نہ اس کے ہاتھ میں پیسہ ہے
نہ اس کے امی ابو ہیں
نہ اسکی آپا خالہ ہے

یہ سارے جگ میں تنہا ہے
یہ بچہ کس کا بچہ ہے

 

کیا آپ کو یہ نظم  پسند ای اپنے comments کے ذریے ہمیں بتایں

Categories: Jaago HamWatno , ابن انشا , اردو