گئے دنوں کا سراغ لے کر کدھر سے آیا کدھر گیا وہ : Gaye dinoN ka suragh lay kar, kidhar say aaya kidhar gaya woh

ناصر کاظمی

گئے دنوں کا سراغ لے کر کدھر سے آیا کدھر گیا وہ
عجیب مانوس اجنبی تھا مجھے تو حیران کر گیا وہ

بس ایک موتی سی چھب دکھا کر بس ایک میٹھی سی دھن سنا کر
ستارۂ شام بن کے آیا برنگِ خوابِ سحر گیا وہ
خوشی کی رت ہو کہ غم کا موسم نظر اُسے ڈھونڈتی ہے ہردم
وہ بوئے گل تھا کہ نغمۂ جاں مرے تو دل میں اتر گیا وہ

نہ اب وہ یادوں کا چڑھتا دریا نہ فرصتوں کی اداس برکھا
یونہی ذرا کسک ہے دل میں جو زخم گہرا تھا بھر گیا وہ

کچھ اب سنبھلنے لگی ہے جاں بھی بدل چلا دورِ آسماں بھی
جو رات بھاری تھی ٹل گئی ہے جو دن کڑا تھا گزر گیا وہ

بس ایک منزل ہے بوالہوس کی ہزار رستے ہیں اہلِ دل کے
یہی تو ہے فرق مجھ میں اس میں گزر گیا میں ٹھہر گیا وہ

شکستہ پا راہ میں کھڑا ہوں گئے دنوں کو بلا رہا ہوں
جو قافلہ میرا ہمسفر تھا مثالِ گردِ سفر گیا وہ

مرا تو خوں ہو گیا ہے پانی ستمگروں کی پلک نہ بھیگی
جو نالہ اٹھا تھا رات دِل سے نہ جانے کیوں بے اثر گیا وہ

وہ میکدے کو جگانے والا وہ رات کی نیند اڑانے والا
یہ آج کیا اس کے جی میں آئی کہ شام ہوتے ہی گھر گیا وہ

وہ ہجر کی رات کا ستارہ وہ ہم نفس ہم سخن ہمارا
سدا رہے اس کا نام پیارا سنا ہے کل رات مر گیا وہ

وہ جس کے شانے پہ ہاتھ رکھ کر سفر کیا تو نے منزلوں کا
تری گلی سے نہ جانے کیوں آج سر جھکائے گزر گیا وہ

وہ رات کا بے نوا مسافر وہ تیرا شاعر وہ تیرا ناصر
تری گلی تک تو ہم نے دیکھا پھر نہ جانے کدھر گیا وہ

Gaye dinoN ka suragh lay kar, kidhar say aaya kidhar gaya woh
Ajeeb manoos ajnabi tha, mujhey to hairaan kar gaya woh

Bas aik moti see chhabb dikha kar, bas aik meethi see dhun suna kar
Sitara-e-sham ban kay aaya, ba-rang-e-khwab-e-sehr gaya woh

Khushi ki rut ho keh rang ka mausam, nazar ussay dhoondti hai har damm
Woh boo-e-gul tha keh naghma-e-jaan, meray to dil meiN utar gaya woh

Nah abb woh yaadoN ka charhta darya, na abb fursatoN ki udaas barkha
Younhi kasak hai zara si dil mein, jo zakhm gehra tha bhar gaya woh

Kuch abb badalnay lagi hai jaaN bhi, Badal chala dor-e-aasmaN bhi
Jo raat bhaari thi tal gayee hai, jo din kara tha, guzar gaya woh

Bas aik manzil hai boo-al-hos ki, hazar raastay hain ehl-e-dil kay
Yehi to hai farq mujh meiN uss meiN, guzar gaya meiN, tehar gaya woh

کیا آپ کو یہ غزل پسند ای اپنے comments کے ذریے ہمیں بتایں

Categories: Ghazlain , Nasir Kazmi , اردو